اسلام آباد ۔ یکم فروری (اے پی پی) وزیراعظم شاہد خاقان عباسی آکھیے جو ملک اچ وپارکیتے سوکھ گھن آونڑ کیتے کوششاں کیتاں ویندیاں پن،سرمایہ وطن واپس گھن آونڑاتے پیداوری شعبیاں اچ سرمایہ کاری دی حوصلہ افزائی سانگے پالیسی وی زیر غور اے۔اے گال وزیراعظم شاہد خاقان عباسی وزیر اعظم آفس اسلام آباد اچ غضنفر بلوچ دی اگوانڑی اچ وفاق ایوانہائے صنعت و تجارت دے وفد نال الویندے ہوئیں کیتی۔ملاقات اچ اقتصادی مسلیاں،وپار اچ سوکھ اتے برآمدات دے ودھارے سودھے امن و امان دی صورتحال تے وی غور کیتا گیا۔وفد حکومت ولوں امن و امان، توانائی بحران نال نمٹنڑ،وپار اتے سرمایہ کار دوست ماحول پیدا کرنڑ کیتے حکومتی کردار دی تعریف کیتی۔انہاں وپاریاں کیتے بیاں سہولتاں ڈیونڑ، ٹیکساں اچ کمی اتے ملکی تجارتی صلاحیت ودھاونڑ دیاں تجویزاں ڈتیاں۔وزیراعظم شاہد خاقان عباسی آکھیے جو حکومت کاروبار، تجارت، سرمایہ کاری اتے پیداواری شعبے دی حوصلہ افزائی کیتے کم کریندی پئی اے ایں سانگے ہک جامع پالیسی وی بنڑائی ویندی پئی اے۔ معیشت دی دستاویز بندی اتے ٹیکس بنیاد کوں ودھاونڑ کیتے ٹیکساں اچ کمی دی تجویز تے غور کیتا ویندا پئے۔انہاں کاروباری برادری کوں ودھ توں ودھ سوکھ ڈیونڑ دا یقین ڈوایا۔
سرمایہ وطن واپس گھن آونڑ،پیداوری شعبیاں اچ سرمایہ کاری دی حوصلہ افزائی سانگے پالیسی وی زیر غور اے، وزیر اعظم دی ایوان صنعت و تجارت دے وفد نال گال مہاڑ
مضمون کا ماخذ : علاقائی کلیدی الفاظ
متعلقہ مضامین
