اسلام آباد ۔ 11 اپریل (اے پی پی) صدر مملکت ممنون حسین تعلیمی اداریاں کوں جدید دور دے تقاضیاں نال ٹورنڑ اتے تعلیمی معیار اُتے کئی وی سمجھوتہ نہ کرنڑ دی لوڑ کوں اجاگر کریندے ہوئیں آکھیا جو قوماں دی ترقی اتے خوشحالی اچ تعلیم کوں پہلی اہمیت حاصل ہے، تعلیمی اداریاں دی ذمے داری ہے جو نویں علوم تے فنون دے خیرمقدم کیتے ہرے ویلھے تیار راہون ، تحقیق اُتے بھرپور توجہ ڈیون، قوم دا ہر فرد خاص طور تے نوجوان اُنہاں عناصر اُتے تکڑی نگاہ رکھے جیہڑے جو خوش نما نعریاں دی آڑ اچ قوم دی منزل کھوٹی کرنڑ دے چکر اچ ہن ۔ انہاں اے گالھ بدھ کوں اتھاں ورچوئل یونیورسٹی دے 9 ویں کانووکیشن نال خطاب کریندے ہوئیں آکھی۔ صدر مملکت آکھیا جو قوماں دی ترقی اتے خوشحالی اچ تعلیم ساریاں توں ودھ اہمیت رکھیندی ہے ۔انہاں آکھیا جو انسانیت دے زیوردی حیثیت نال تعلیم معاشرے اچ علمی تے اخلاقی سطح کو ں اوچا کرنڑ دا بہترین ذریعہ ہے جیکوں اساڈا دین جہاد دے برابر قرار ڈیندے۔ کجھ سالیں دا اے تعلیمی عمل نوجوانیں کوں زندگی دے عملی میدان اچ سر گرمِ عمل ہونڑ سانگے بنیاد فراہم کریندے۔ انہاں آکھیا جو جیہڑی طرح عمر اچ ودھار ے دے نال انسان دا تجربہ ودھدے ، ایں طرح ایندے علم اچ وی کشادگی پیدا تھیندے ہے ، اتے حصول علم دا سلسلہ عمر جاری راہندے۔ صدر طالب علماں کوں تاکید کیتی جو او آپنڑیں اُتے سیکھنڑاتے علم حاصل کرنڑ دے دروازے ہمیشہ کھلے رکھن،کامیابی دا راز ایندے اچ لُکیا ہویا ہے جیہڑے لوک کجھ سالیں دے تجربیاں یا کئی عہدہ گھننڑ توں بعد اے سمجھدے ہن جو انہاں دی شخصیت مکمل تھئی گئی یا ہنڑ انہاں کوں سیکھنڑ دی لوڑ کائنی ، غلطی کریندے ہن ۔ صدر مملکت فاصلاتی تعلیم دے شعبے اچ قابلِ قدر خدمات انجام ڈیونڑآلی ورچوئل یونیورسٹی دے کانووکیشن اچ فار غ التحصیل تھیونڑآلے طلبہ و طالبات کوں مبارخ ڈیندے ہوئیں توقع ظاہر کیتی جو اے طالب عالم آپنڑیاں خداداد صلاحیتاں اتے محنت نال ملک تے قوم دا ناں روشن کریسن۔
قوماں دی ترقی اتے خوشحالی اچ تعلیم کوں پہلی اہمیت حاصل ہے، صدر مملکت ممنون حسین
مضمون کا ماخذ : بڑا برا بھیڑیا۔
متعلقہ مضامین
