اسلام آباد ۔ 24 اپریل (اے پی پی) الیکشن کمیشن ووٹ دے اندراج ، منتقلی اتے کوائف دی درستگی دی تاریخ اچ 30 اپریل تئیں توسیع کرڈتی اے۔ الیکشن کمیشن ایندے توں پہلے ووٹ دے اندراج اتے منتقلی سانگے 24 اپریل دی تاریخ مقرر کیتی ہئی تاں جو عوام اتے سیاسی جماعتاں ولوں تاریخ اچ توسیع دے مطالبے تے اینکوں 30 اپریل تئیں توسیع کر ڈتی گی اے ۔ ایں دوران ملک اچ قائم 15 ہزار توں ودھ ڈسپلے مرکز معمول دے مطابق 30اپریل تئیں ووٹ دے اندراج ، منتقلی اتے کوائف دی درستگی سانگے درخواستاں موصول کرنڑ دا سلسلہ جاری رکھیسن ۔الیکشن کمیشن ولوں ڈتی گی ڈیڈ لائن دا چھیکڑی ڈینھ ہئی ایں دوران ڈسپلے مرکز تے عوام دی وڈی تعداد ووٹ دے اندراج سانگے موجود رہی ۔الیکشن کمیشن ہک واری ولا عوام توں اپیل کیتی اے جو انتخابی عمل اچ اپنڑی شرکت یقینی بنڑاونڑ سانگے ووٹ دے اندراج کوں قومی فرض سمجھن ۔
الیکشن کمیشن ووٹ دے اندراج ، منتقلی اتے کوائف دی درستگی دی تاریخ اچ 30 اپریل تئیں توسیع کر ڈتی
مضمون کا ماخذ : لاٹری کی موبائل ایپ
متعلقہ مضامین
