جنیوا۔10جنوری (اے پی پی) وزيراعظم شهباز شريف د ريزيليئنټ پاكستان كنفرنس په كاميابۍ د مننې څرګندونه كولو سره وئيلي دي چې 9 اربه ډالرو څخه زيات د مرستې رقم د سېلاب ځپليو بحالۍ او د بيا رغونې كار لپاره له غېبي مرستې څخه كم نه دے٬ د لويے څښتن په مرسته او بيا د پاكستاني اولس مرستې سره به د پاكستان پلو راتلونكې هرې ستونزې په مړانه مقابله كوؤ۔ د نهې په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم شهباز شريف ووئيل چې د لويے څښتن شكر دے كوم چې پاكستان او سېلاب ځپلي اولس لپاره د مرستې لاره پرانسته۔ ده ووئيل 9 اربه ډالرو څخه زيات د مرستې رقم د سېلاب ځپليو بحالۍ او د بيا رغونې كار لپاره له غېبي مرستې څخه كم نه دے۔ ده ووئيل پاکستان ته د دومره زیاتو پیسو ترلاسه کېدل په اوسني اتحادي حکومت د نړۍ د باور څرګندونه ده۔ ده ووئيل دا د 22 كروړه اولس د يو والي كاميابي ده٬ دا د پاكستان د اجتماعي هڅو كاميابي ده۔ وزيراعظم ووئيل د وفاق او صوبو دې ټيم ورك او ملي جذبې سره به پاكستان او د دې اولس د ستونزو دلدل څخه بهر كړؤ۔ دا امانت به ايماندارۍ ٬ په سپېځلي توګه او د تھرډ پارټي آډټ سره مستحق كسانو ته رسوؤ۔ د ټولو نړيوالو همكارانو او په خاص توګه د ملګرو ملتونو د عمومي سېكتر د زړه له كومي څخه مننه كوم۔ د خپل مهربانه ورورو سعودي عربستان ٬ عظيم ملګري چين او د ورور هېواد تركيه مننه كوؤ۔ ده ووئيل د ولي عهد او وزيراعظم شهزاده محمد بن سلمان خصوصي مننه كوم چا چې د كنفرنس سره سره د پاكستان د مالي مرستې ستر قدم هم پورته كړې دې۔ دغسې د پاكستان د عظيم ملګرو هېوادونو متحده عرب امارات او قطر مشرتابه هم خصوصي مننه كوؤ۔ د اروپائي ائتلاف ٬ امريكا ٬ المان ٬ جاپان او د فرانس په شمول په كنفرنس كښې دګډون كوؤنكو ټولو هېوادونو د مشرتابه مننه كوؤ۔ د نړيوالو مالياتي ادارو مننه كوم چې د 3 کروړه 30 لکه سېلاب ځپليو ستونزې يۍ محسوس كړې۔ وزیراعظم ووئيل د اسلامی پرمختيائي بانک ، نړيوال بانك ، اے ډی بی، یو اېس اېډ ، ډیفیډ او نورو ادارو مننه كوم۔ ده ووئيل د بلاول بھټو زرداري په مشرۍ كښې خارجه وزارت د كنفرنس مقصدونو په ترلاسه كولو كښې چمتو او د ستائنې وړ كردار ترسره كړو۔ د خزانې وزير اسحاق ډار كنفرنس پاكستان ته پېښو مسئلو څخه خبرولو ٬ د سېلاب ځپليو بحالۍ له د ضروري وسائلو رسول باوري كولو او نړيوالو مالياتي ادارو په قائل كولو كښې مهم كردار ترسره كړو۔ ده ووئيل احسن اقبال د صوبو مشاورت سره په بېړني بنياد يو بشپړه دستاوېز تيار كړو د كوم په سبب چې دا رقم ترلاسه كېدل ممكن شو۔ په دې دستاوېز كښې د شوي زيان او بحالۍ لپاره د سباؤن خاكه وړاندې كړې شوه۔ احسن اقبال، شېری رحمن، سردار ایاز صادق، حنا ربانی کھر او مریم اورنګزېب ته د دوئي په زړه پورې هڅو كولو شاباسې وركوم۔ د جنېوا کنفرنس کامیابۍ لپاره د ټولو اړوندو وزارتونو او څانګو هڅې د ستائنې وړ دي۔ تاسو ټولو “ټيم پاكستان” جوړېدو سره كاميابي ترلاسه كړه٬ په تاسو ټولو وياړ لرم- د پاك پرودرګار فضل دے پاكستان د ستونزو دلدل څخه بهر كېدو پلو روان دے۔ ده ووئيل د لويے څښتن فضل او بيا د اولس مرستې سره به پاكستان پلو د راتلونكې هرې ستونزې په مړانه مقابله كوؤ۔
ريزيليئنټ پاکستان كنفرنس كښې د 9 اربه ډالرو ترلاسه كېدل په اتحادي حكومت د نړۍ د باور څرګندونه ده٬ وزیراعظم
مضمون کا ماخذ : فا فا فا ۔
متعلقہ مضامین
