اسلام آباد 03 جون (اے پي پي)په پاكستان كښې د چين سفير جيانګ زيدونګ وئېلي دي چې د پاكستان او چين قيادت لارښودنې او د دواړو هېوادونو د اولس بشپړه ملاتړ سره به د وزيراعظم شهباز شريف د چين راتلونكې دوره كاميابه وي او دا به د دواړو هېوادونو په اړيكو كښې مهم سنګ ميل ثابت شي ٬د سي پیك دوهم پړاؤ له مخې شوي موافقت ته به عملي شكل وركولې شي٬ د دواړو هېوادونو ترمينځه صنعت٬ كركيله ٬ توان٬ انفارمېشن ټېكنالوجي او په نورو څانګو كښې به مرستې ته وده ترلاسه شي۔ د دې خيالاتو څرګندونه ده د وزيراعظم د چين پنځه ورځنۍ دورې څخه وړاندې اے پي پي سره خپله مركه كښې وكړه۔وزيراعظم شهباز شريف به 4 جون نه تر 8 جون د چين سركاري دوره كوي۔ د وزيراعظم چوكۍ سنبهالولو نه پس دا د وزيراعظم شهباز شريف د چين وړومبۍ دوره ده۔ د چين سفير ووئيل چين د دې دورې د لارې پاكستان سره د كار كولو عزم لري دغسې چې د دواړو هېوادونو ترمينځه په تزويراتي مرسته اډانه هماري لا قوي شي۔ ده د دورې د ايجنډې ذكر كولو سره ووئيل چې وزيراعظم شهباز شريف به د چين صدر شي جن پنګ٬ وزيراعظم لي كيانګ او د نېشنل پيپلز كانګرېس سټينډنګ كمېټۍ چيئرمېن ژاليجي سره ملاقات او خبرې اترې كوي۔ دواړه لارښود به د چين پاكستان اړيكو او د شريكې خوښې په چارو د خيالاتو څرګندونه كوي او دوه اړخيزه اړيكو ته وده وركولو له به ګډه تګلاره وضعه كوي۔ وزيراعظم به د بيجنګ نه علاوه د ګوانګ ډونګ او شانشي دوره هم كوي۔ د چين سفير جيانګ زيدونګ ووئيل چين به د پاكستان د ترهه ګرۍ مخ نيوي صلاحيت زياتولو٬ د غېر روايتي سيكورټي خطرو په شريكه توګه مخ نيوي او د دواړو هېوادونو ترمينځه اقتصادي مرستې او پرمختګ لپاره د باور وړ سكيورټي ضمانت وركولو كښې هم مرسته كوي۔ د چين جوړېدو 75مې سالګرې ذكر كولو سره ده ووئيل په دې مهال په چين كښې اقتصادي پرمختګ او د اوږدې مودې سماجي استحكام پیدا شوې۔د يوې پوښتنې په ځواب كښې ده ووئيل د پاكستان حكومت”فائيوايز”فريم ورك نه يوازې دا چې د پاكستان د موجوده پرمختګ ضروريات ترسره كوي بلكې د اعلې معيار پرمختګ ته وده وركولو كښې د چين نقطه نظر څخه متاثره هم دے چې ورسره دا اشاره ترلاسه كيږي چې د دواړو هېوادونو ترمينځه دوه اړخيزه مرسته به د نتيجې وړ وي۔
د وزيراعظم شهباز شريف د چين دوره به دوه اړخيزه اړيكو كښې مهم سنګ ميل ثابت شي٬ د چين سفير جيانګ زيدونګ”اے پي پي”سره مركه
مضمون کا ماخذ : اسکریچ کارڈ کا انعام
متعلقہ مضامین
