راجن پور۔ 22 فروری (اے پی پی)پسماندہ علاقے توں وزیر اعلیٰ بنڑاونڑتے وزیراعظم دا شکریہ ادا کریندے ہوئیں وزیر اعلیٰ پنجاب سردار عثمان خان بزدار آکھیے جو پورے صوبے دا وزیر اعلیٰ ہاں،وزیراعظم دی اگوانڑی اچ پسمان??گی مکیسوں، لوک ڈیکھ گھنسن جو اساںپسماندہ علاقیاں کوں وی بنھاں علاقیاں دے برابر ترقی ڈیسوں،،صحت انصاف کارڈز نال عوام کوں صحت دیاں چنگیاں سہولتاں ملسن، راجن پور کوں مثا??ی ضلع بنڑایا ویسی،صحت، تعلیم،سوئی گیس اتے امن امان جھیں مسلیاں دا حل مقامی لوکاں دے کٹھے بہہ تے کڈھیسوں۔ اے گالھ وزیراعلیٰ پنجاب سردار عثمان خان بزدار راجنپور اچ وزیراعظم صحت انصاف کارڈدی تقریب نال خطاب اچ آکھی۔ انہاں آکھیا جو راجنپور ضلع پنجاب دا چھیکڑی ضلع اے جیہڑا سندھ اتے بلوچستان دی سرحد نال رلدے، جتھاں بہوں پسمان??گی اے، اے ضلع ماضی اچ مسلسل نظر انداز تھیونڑ پاروں پچھو رہ گئے،اساں وزیراعظم دی اگوانڑی اچ اے پسمان??گی دور کریسوں اتے راجنپور کوں مثا??ی ضلع بنڑایا ویسی، سارے طبی مراکز اچ سہولیات ملدیاں پن، اساں پورے صوبے اتے ملک دی ہکو سویں ترقی تے یقین رکھدی ہیں،کہیں وی علاقے کوں ترقی توں محروم نہ رکھسوں، پورے پنجاب اچ 72 لکھ لوک صحت کارڈزتوں فیدہ چیسن، علاقے اچ سوئی گیس، یونیورسٹی ،کچے دے علاقے اچ امن و امان دا مسئلہ اے اتے اینجھےس ارے مسلیاں دا حل مقامی لوکاں نال رل تے کڈھیسوں۔ انہاں کشمورتوں ڈیرہ اسماعیل تئیں انڈس ہائی وے کوں ڈوڑا کرنڑ دی درخواست کریندے وزیراعظم کوں آکھیا جو ایندے نال پورا علاقہ ترقی کریسی۔
پورے صوبے دا وزیر اعلیٰ ہاں،وزیراعظم دی اگوانڑی اچ پسماندگی مکیسوں، وزیر اعلیٰ پنجاب عثمان خان بزدار
مضمون کا ماخذ : لاٹری ٹکٹ آن لائن دستیاب
متعلقہ مضامین
