اسلام آباد۔1نومبر(اے پی پی) قائمقام صدر سید یوسف رضا گیلانی پاکست??ن اچ گورننس بہتر بݨاوݨ سانڳے بین الاقوامی معیار اپناوݨ دی لوڑھ تے زور ݙیندے آکھیے عوام کوں خدمات دی بہتر فراہمی سانڳے ڈیجیٹل گورننس ، ڈیٹا تے مبنی فیصلہ سازی ??تے مصنوعی ذہانت کوں اپناوݨا ہوسی ۔ ایوان صدر دے پریس ونگ موجب قائمقام صدر سید رضا گیلانی نیشنل انسٹی ٹیوٹ آف پبلک ایڈمنسٹریشن کراچی دے 36ویں سینئر مینجمنٹ کورس دے شرکاء نال ملاقات اچ ڳالھ مہاڑ کریندے پئے ہن۔ انہاں آکھیے گورننس اچ بہتری سانڳے جدت ??تے جدید ترین ٹیکنالوجی دے استعمال دی لوڑھ اے ۔ انھاں آکھیے پاکستان کوں ٻہوں چیلنجز دا سامݨا اے ، پاکستان کوں معاشی مسئلیں، اُچے افراط زر، ودھدی آبادی، بے روزگاری، موسمیاتی تبدیلی ??تے سماجی ناانصافی جیھے مسئلے ہن ، ملک کوں پیش آندے چیلنجز نال نبݨݨ سانڳے بیوروکریسی کوں فعال ??تے تعمیری کردار ادا کرݨا ہوسی۔ انہاں آکھیےپاکستان کوں مستقبل دی سوچ رکھݨ آلی قوم دے طور تےعالمی سطح تے اجاگر کرݨا ہوسی ، پالیسیاں دے ثمرات ہر شہری تئیں پڄاوݨے ہوسن ،بیوروکریسی پاکستان دے مسئلیں دے چنڳے حل سانڳے سٹیک ہولڈرز نال مضبوط نیٹ ورک بݨاوے ، سرکا??ی ملازمین کوں مسئلے حل کرݨ ، جدت اپناوݨ، رہنما بݨݨ دی لوڑھ اے ، بیوروکریسی ملک کوں موجودہ چیلنجز توں کڈھݨ اچ حکومتاں دی مدد کرے ، بیوروکریٹس عوامی خدمت دا رویہ اپناون، سرکا??ی ملازمت سانڳے ہمدردی، عاجزی ??تے ݙوجھے دیاں زندگیاں بہتر بݨاوݨ دی حق??قی خواہش دی لوڑھ ہوندی اے ۔ قائمقام صدر تے چیئرمین سینیٹ سید یوسف رضا گیلانی آکھیے دنیا مسلسل بدلدی پئی اے ، سرکا??ی ملازمین کوں وی ارتقاء دی لوڑھ اے ، سول سرونٹس علم حاصل کرن ، خود کوں جدید ترین مہارتاں نال آراستہ کرن ۔سرکا??ی ملازمین اخلاقی طرز ِحکمرانی اپناون، عوام نال ہمدردی نال پیش آون،18ویں ترمیم ??تے این ایف سی ایوارڈ دے بعد صوبیں کوں ودھ حقوق ??تے فنڈزݙتے ڳئن ۔قائمقام صدر آکھیے ملک دے بہترین مفاد کوں سامݨے رکھیندے آئین اچ ترمیم کرݨ پارلیمنٹ دا استحقاق اے، پاکستان دشمن عناصر بلوچستان دی ترقی تے خوشحالی دے خلاف ہن ، دہشتگرد سرمایہ کاراں کوں پاکست??ن اچ سرمایہ کاری توں روکݨ دی دانستہ کوششاں کریندے پئن ۔ انھاں شرکا کوں آکھیے جݙاں میں وزیراعظم ہامی تاں اوں ویلھے آغاز حقوق بلوچستان دا آغاز کیتا ، عملدرآمد یقینی بݨایا ، بطور وزیر اعظم میݙے دور اچ بلوچستان کوں زیادہ فنڈز تے رائلٹی ݙتی ڳئی ہئی۔
