اسلام آباد ۔ 14 جون (اے پی پی) وفاقی وزیر قانون تے انصاف زاہد حامد آکھیا ہے جو مردم شماری نومبر یا آندے سال مار چ تئیں کرائی ونج سگدی ہے،منگل کوں ایوان بالا دے اجلاس اچ سینیٹر لیفٹیننٹ جنرل (ر) عبدالقیوم دے توجہ ڈیواﺅ نوٹس دا جواب ڈیندے ہوئیں وفاقی وزیر زاہد حامد آکھیا جو مردم شماری دی اشد ضرورت ہے ،مسلم لیگ ن ہی1998اچ چھیکڑی مردم شماری کرائی ہئی ۔مشترکہ مفادات کونسل 18مارچ 2015کوں فوج دی نگرانی اچ 2016اچ مردم شماری کراونڑ دا فیصلہ کیتا ،ایں پاروں سرگرمیاں شروع کر ڈتیاں گیا ں ۔مشترکہ مفادات کونسل 29فروری کوں فیصلہ کیتا جو مردم شماری فوج دی دستیابی تئیں موخر کیتی ونجے ۔مردم شماری سانگے 2لکھ تے 25ہزار فوجی درکار ہن ۔فوج دی دستیابی دی صورت اچ ایں سال نومبر یا آندے سال مارچ تئیں مردم شماری کرائی ونج سگدی ہے ۔
مضمون کا ماخذ : بونانزا
