اسلام آباد ۔6 ستمبر(اے پی پی) قومی اسمبلی اچ قائد حزب اختلاف سید خورشید شاہ آکھے جو 6 ستمبر قومی تریخ اچ اہم ڈینھ ہے جڈاں اساڈے جواناں آپنڑیاں جاناں دا نذرانہ ڈے تے قوم اتے وطن دا دفاع کیتا۔ عالمی سطح تے پٹرولیم مصنوعات دے مُل اچ نمایاں گھٹکی دے باوجود لوکیں کوں ایندے اُتے ریلیف کائنی دتا گیا۔ پٹرول دے مُل تے وکر ی ٹیکس ترائے فیصد تئیں ودھا ڈتا گیا۔ منگل کوں قومی اسمبلی دے اجلاس اچ نکتہ اعتراض تے قائد حزب اختلاف سید خورشید شاہ آکھے جو چھی ستمبر قومی تریخ اچ بہوں اہم ڈینھ ہے ، اساڈے جواناں آپنڑیاں جاناں دا نذرانہ ڈے تے قوم اتے وطن دا دفاع کیتا، اساکوں ایں گالھ تے غور کرنڑاں چاہیدے اتے تریخ توں سبق سِکھنڑاں چاہیدے ۔ انہاں آکھیا جو وفاق پاکستان تے چارہے وفاقی اکائیاں دے ہکو سنویں حقوق ہن ۔ اساکوں آپنڑیں فیصلیاں تے ولا دید پھیرنڑی چاہیدی ہے ۔ لوکیں دے مسئلے اے معاملے اساں ساریاں دے سانجھے ہن ،کیونجو اساں لوکیں دے نمائندے ہئیں ۔ انہاں آکھیا جو حکومتاں فلاح اتے لوکیں دی چنگائی کیتے ہوندیاں ہن ۔ ہر سیاسی جماعت دا آپنڑاں منشور ہوندے ، اساں لوکیں توں مینڈیٹ گھن تے اتھاں آندے ہئیں ۔فلاح دا تصور ہنر کمرشل تھی گئے ۔ انہاں آکھے جو لوکیں کوں بجلی دی لوڈشیڈنگ’ کساناں کوں کھاد دے حصول سمیت بہوں سارے مسلیاں دا سامنڑاں ہے ۔ انہاں آکھیا جو دنیا اچ تیل دے مُل گھٹ تھیندے پئے ہن ، اے خبر آندی پئی ہئی جو پٹرول اتے ڈیزل دی نرخ گھٹ کیتے ویسن جڈانجو ایں طرح کجھ کائنی تھیا،جڈانجو پٹرول دے مُل تے ترائے فیصد وکری ٹیکس ودھا ڈتا گئے ۔ ڈیزل تے وکری ٹیکس ساڈھے چارروپے کرڈتا گئے ۔
6 ستمبر قومی تریخ اچ اہم ڈینھ ہے جڈانجو اساڈے جواناں آپنڑیاں جاناں دا نذرانہ ڈے تے قوم اتے وطن دا دفاع کیتا،قومی اسمبلی اچ قائد حزب اختلاف سید خورشید شاہ دا قومی اسمبلی اچ نکتہ اعتراض تے ا ظہارخیال
مضمون کا ماخذ : سانتا کی جنگلی سواری۔
متعلقہ مضامین
