اسلام آباد ۔ 08 ستمبر (اے پی پی) پاکستاں مسلم لیگ(ن) دی رہنما طاہرہ اورنگزیب آکھیا ہے جو وزیراعظم محمد نواز شریف ولوں سارے صوبیں اچ بلا تفریق کماں دا مقصد چنگے وفاق دا قیام ہے ۔ریڈیو پاکستان نال گالھ مہاڑ کریندے ہوئیں انھاں آکھیا جو پاکستان مسلم لیگ ن دی حکومت دے بر سر اقتدار امدے ہی وزیراعظم نواز شریف ہر ترائے مہینے دے دوران بلاتفریق ہر صوبے دے دورے کیتے اتھاں مختلف ترقی دے منصوبیں دا جائزہ گھدا ۔جیں دا مقصد سارے صوبیں کوں رل تے نال گھن تے چلنڑ ہے اتے چنگاں وفاقی بنڑاونڑ ہے ۔انہاں آکھیا جو گوادر پورٹ ،ونڈ پاور اور کول پراجیکٹ،پاک چین اقتصادی راہ داری،لواری ٹنل، موٹر ویز اتے انفراسٹ کچر کو ں چنگاں کرنڑ سمیت سارے منصوبے ملکی ترقی دا سبب بنڑے پئے ہن اتے باہرلی سرمایہ کاری ملک اچ آندی پئی ہے ۔ انھاں آکھیا جو اپوزیشن کوں چاہیدا ہے جو او منفی سیاست دا بائیکاٹ کرے اتے وزیراعظم دا ساتھ ڈیون تاں جو ملکی معیشت اچ چنگائی آوے بے روزگاری دا خاتمہ ہووے تعلیم کوں ودھارا ملے تے عام بندہ خوشحال زندگی گزار سگے ۔
عوام بلدیاتی انتخابات اچ منفی سیاست کرنڑ آلیں کوں مسترد کر ڈتا ،اپوزیشن ملکی معیشت اچ مزید چنگائی سانگے وزیراعظم دا ساتھ ڈیوے ،طاہرہ اورنگزیب
مضمون کا ماخذ : ریل رش
متعلقہ مضامین
