اسلام آباد ۔ 28 ستمبر (اے پی پی) وزیر مملکت داخلہ، وفاقی تعلیم تے پیشہ وارانہ تربیت انجینئر بلیغ الرحمن آکھیا جو داعش دنیا کوں امن سکھاونڑ آلے مذہب اسلام کوں استعمال کر تے نویں نسل کوں گمراہ کریندی پئی اے،اسلام امن اتے سلامتی دا درس ڈیندے،نویں نسل کوں سدھے پاسے گھن ونجنڑ سانگے ساریاں کوں رل تے محنت کرنڑ پمسی،اجوکی حکومت تعلیم دی حقیقی معنیاں اچ ودھارے سانگے تعلیم دا بجٹ500ارب توں ودھا کراہیں 800ارب روپے کر ڈتا گئے اتے آندے آلے کجھ سالیں اچ ایں بجٹ اچ بئیا ودھار کر ڈتا ویسی۔او بدھ کوں نیشنل لائبریری اچ ینگ پارلیمنٹرینز فورم، چینن ڈویلپمنٹ ایسوسی ایشن، اے پی پی اتے سسٹین ایبل سوشل ڈویلپمنٹ آرگنائزیشن دے سانجھ نال تھیونڑ آلی ستویں نیشنل یوتھ پیس فیسٹیول دی افتتاحی تقریب نال خطاب کریندے پئے ہن ۔یونائیٹڈ نیشن پاپولیشن فنڈ (یو این پی ایف) دے حسن محتاشانی، میڈیا سیکرٹری ینگ پارلیمنٹرینز فورم ثمینہ خورشید، نیپال دے پارلیمنٹرین اکاناتھ، نیکٹا دی مریم خان، صبیحہ شاہین، ایس ایس ڈی او دے ایگزیکٹو ڈائریکٹر سید کوثر عباس توں انج مختلف این جی اوز دے نمائندے وڈی تعداد اچ شریک تھیے۔
وزیر مملکت داخلہ، وفاقی تعلیم تے پیشہ وارانہ تربیت انجینئر بلیغ الرحمن دا نیشنل یوتھ پیس فیسٹیول دی افتتاحی تقریب نال خطاب
مضمون کا ماخذ : لوٹیریا سانتا کیٹرینا
متعلقہ مضامین
