پاکستان امداد دی بجائے تجارت دی پالیسی تے گامزن ہے،اقتصادی راہداری چین اتے پاکستان وچال مضبوط اتے مثالی تعلقات دا ٹھوس مظہر ہے،
اسلام آباد ۔ 6 دسمبر (اے پی پی) وزیراعظم دے مشیر امور خارجہ سرتاج عزیز آکھیا ہے جو حکومت پائیدار ترقی اتے غربت دے خاتمے کوں یقینی بنڑاونڑ سانگے پر امن ہمسائیگی اتے سماجی اقتصادی ترقی دیاں پالیسیاں تے یقین رکھیندی ہے ۔ منگل کوں اتھاں ایس ڈی پی آئی دے اہتمام نال سیمینار توں خطاب کریندے ہوئیں انہاں آکھیا جو غربت دے خاتمے سانگے سارے وسائل دے نال معاشی اتے سماجی ترقی اہمیت دے حامل ہن ۔انہاں آکھیا جو پاکستان امداد دی بجائے تجارت دی پالیسی تے گامزن ہے اتے ترقی یافتہ ملکاں تے زور ڈیندا پیا ہے جو اپنڑیاں پالیسیاں ترقی پذیر ملکاں سانگے منصفانہ سلوک رکھے ۔انہاں آکھیا جو قومی تے صوبائی سطح تے سانجھے تعاون اتے پائیدار ترقی دے اہداف دا حصول جاری ہے ۔انہاں آکھیا جو اسلام آباد اچ ایندے توں پہلے تھیونڑ آلے سارک اجلاس دے التوا نال سماجی اتے معاشی شعبیں اچ ترقی رک گی ۔انہاں آکھیا جو پائیدار ترقی دے اہداف دا مقصد صرف ترقی یافتہ ملکاں سانگے کائنی بلکہ ترقی پذیر ملکاں سانگے وی ہے ۔سرتاج عزیز آکھیا جو عام آدمی دی ترقی بہترین آپشن ہے اگر شیلٹر تعلیم جیہوجے شعبے اچ عام آدمی دی زندگی سانگے سرمایہ کاری کیتی ونجے تاں داخلی جھیڑے اتے بحران توں بچیا ونج سگدا ہے ۔انہاں آکھیا جو پاک چین ا قتصادی راہداری چین تے پاکستان وال پکے تے مثالی تعلقات دا مظہر ہے ۔
وزیراعظم دے مشیر امور خارجہ سرتاج عزیز دا ایس ڈی پی آئی دے اہتمام نال سیمینار توں خطاب
مضمون کا ماخذ : نقدی پھٹنا
متعلقہ مضامین
