اسلام آباد۔10 دسمبر(اے پی پی )نیشنل پریس کلب اسلام آباد تے جھوک سرائیکی دی سانجھ نال ڈو ڈینہواراں داجھوک سرائیکی فیملی فیسٹویل دا انعقاد کرایا گیا جیں دا افتتاح پی ایف یوجے دے صدر افضل بٹ فیتہ کٹ تے کیتا ،ایں موقع تے خطاب کریندے ہوئیں صدر افضل بٹ آکھیا جودہشت گردی دا مقابلہ سرائیکی زبان تے سرائیکی لوک کر سگدے ہن ۔انہاں آکھیا جو سرائیکی زبان دی مٹھاس طاقت نفرت دے زہر سانگے تریاق ہے انہاں آکھیا جو اج دی نتہا پسندی دے دور اچ سرائیکی مٹھاس کوں عام کرنڑ دی ضرور ت ہے ایندے توں پہلے سرائیکستان قومی کونسل دے چیئرمین پروفیسر شوکت مغل ،صدر ظہور دھریجہ ،شکیل انجم صدر نیشنل پریس کلب ، یعقوب عمران ڈھلوں سیکرٹری، طارق چوہدری، عامر رفیق بٹ ، مجاہد بھٹی ، ریٹائرڈ ڈائریکٹر پی ٹی وی نذیر تبسم ، وی خطاب کیتا ۔جیں اچ سیکر ٹری پیپلز پارٹی جنوبی پنجاب محترمہ نتاشہ دولتانہ بطور مہمان خصوصی شرکت کیتی ۔محفل موسیقی اچ گلوکار نعیم ہزاروی، علی عمران ، عظمت نیازی، مشتاق نیازی ، ارشد راہی ، افشاں زیبی ، حنا ملک اتے احسان نیازی اپنڑے سر دا جادو جگایا ۔جھوک سرائیکی میلہ دی کامیابی سانگے سرائیکی جرنلٹس فورم اسلام آباد دے کارکناں اتے مختلف یونیورسٹیاں دے طالب علماں بہوں محنت کیتی۔گلوکاروں دی پرفارمنس دے دوران نینگراں سرائیکی جھمر دے رنگ کھنڈا ڈتے جیں کوں حاضرین بہوں پسند کیتا ۔ جھوک سرائیکی فیملی فیسٹیول دے موقع تے سرائیکی کتاباں دی نمائش ، سرائیکی کرافٹ بازاراچ لوکاں دی وڈی تعداد دلچسپی دا اظہارکیتا۔
نیشنل پریس کلب اسلام آباد تے جھوک سرائیکی دی سانجھ نال سرائیکی فیملی فیسٹویل اچ فنکاریں اپنڑی آواز دا جادو جگایا
مضمون کا ماخذ : میٹھا بونانزا
متعلقہ مضامین
