اسلام آباد۔23اکتوبر(اے پی پی)وزیراعظم محمد شہباز شریف آکھیے جو عالمی برادری غزہ اچ فلسطینیاں دی نسل کشی، جنگ بندی کراوݨ اچ ناکام رہی اے، پاکستان اچ فلسطینی طلباء کوں ساریاں سہولتاں ݙیسوں۔ اے ڳالھ ان??اں پاکستانی میڈیکل یونیورسٹیاں اتے کالجوں اچ پرھݨ آلے فلسطینی طلباء و طالبات نال خطاب اچ آکھی۔ ان??اں آکھیا جو پاکستان فلسطینیاں دا ݙوڄھا گھر اے، ان??اں تے آئی مصیبت پاکستان ہی نئیں پورے ڄڳ ک??ں پتا اے، فلسطینیاں دا اوکھ ݙینھ و ݙینھ ودھدا ویندے، مقبوضہ اسرائیلی فوج ولوں بہیمانہ مظالم جاری ہین جیندے اچ ہݨ تئیں 43 ہزار توں ودھ فلسطینی شہید تھی چکین، ہزاراں ٻالاں کوں ان??اں دی ماواں دی جھولی اچ شہید کیتا ڳئے، کئی شہر تباہ کیتے ڳن، عالمی برادری حالی تئیں صرف قرارداداں، تقریراں اتے وعدے کریندی پئی اے، اقوام متحدہ دی سلامتی کونسل، عالمی عدالت انصاف سودھا کہیں بین الاقوامی فورم جنگ بندی کیتےے کڄھ نئیں کیتا، ڄڳ دی تاریخ اچ ایں ت??ں پہلے اتنی تباہی نئیں تھئی۔ ان??اں آکھیا جو تساں ساݙے ٻھیݨیں ٻھرا ہو، ساݙے گھر، اساتذہ سب کڄھ تہاݙے کیتے اے، پاکستان تہاݙے کیتے ہر ممکن سکھ ݙیسی۔ ان??اں آکھیا جو اقوام متحدہ دی جنرل اسمبلی دے اجلاس اچ فلسطین اتے اسرائیلی فوج ولوں فلسطینیاں دی نسل کشی بارے مختلف ممالک دے صدور اتے وزراء اعظم تقا??یر کیتن ٻھل ایندے بعد وی غزہ اچ خون وہایا ویندا پئے، سکولاں اتے ہسپتالاں تے بمباری کیتی ویندی اے، میں اقوام متحدہ اچ مشرقی تیمور، سوڈان دے معاملہ دے حل اتے تنازعہ فلسطین تے عالمی برادری کوں موازنہ پیش کیتے، ڄیکر طاقتور ملک چاہندن تاں مسلے حل تھی ویندن ٻھل اے مسلے کوں ہک پاسے سٹیا ویندا پئے، فلسطینیاں دیاں امیداں پوری دنیا کیتے متاثر کن ہین، ہر خاندان دے لوگ شہید تھئن، غزہ اتے فلسطین دے لوکاں کیتے اقدامات کرݨے ہوسن، غزہ آئوٹ ریچ پروگرام فار ایجوکیشن کیتے مخیر حضرات ہتھ ونفائے، 145 فلسطین?? طالب علم پاکستان پڄ چکین، بنھاں طالب علماں دی مختلف شہراں اچ تعلیم کیتے پوری میزبانی کریسوں اتے ان??اں کوں سرکاری خرچ تے مفت طبی تعلیم ݙتی ویسی، ایں سانڳے وزارت خارجہ و وزارت صحت کوں اقدامات دا آکھ ݙتے۔ ان??اں آکھیا جو فلسطینیاں اپݨے پیارے ونڄائن، پاکستانی تہاݙے ٻھیݨ ٻھرا ہین ڄیرھے تہاݙی اپݨے ٹٖبر آلی کار ݙیکھ ٻھال کریسن۔ ایں موقع تے وزیراعظم دے کوآرڈینیٹر برائے قومی صحت ڈاکٹر مختار احمد بھرتھ، چیئرمین ایچ ای سی ڈاکٹر مختار احمد سودھا فلسطین?? طالبات ڈاکٹر لامہ اتے ڈاکٹر مسرت وی تقریب نال خطاب کیتے۔
عالمی برادری غزہ اچ فلسطینیاں دی نسل کشی، جنگ بندی کراوݨ اچ ناکام رہی اے، وزیراعظم دا تقریب نال خطاب
مضمون کا ماخذ : estatísticas quina
متعلقہ مضامین
