اسلام آباد۔20مارچ(اے پی پی) د زده كړو او پېشه ورې تربيې وفاقي وزير رانا تنوير سره د قائداعظم پوهنتون وائس چانسلر ډاكټر نياز احمد اختر ملاقات كړے ۔ د ګل په ورځ د زده كړو وزارت لخوا د جاري شوي بيان له مخې ملاقات كښې د زده كړو او پېشه ورې تربيې وفاقي سېكرتري وسيم اجمل چوهدري هم موجود وو۔ په دې موقع رانا تنوير ووئيل قائداعظم پوهنتون ته پېښو چېلنجونو ته به فوري پام ګرځول وي۔ ده ووئيل قائداعظم پوهنتون يو باوقاره پوهنتون دے او د زده كوؤنكو سباؤن اولنې ترجيح ده۔ وفاقی وزیر ووئيل د احتساب نه ځانله كومه اداره پرمختګ نه شي كولې ۔ ده د دې عزم پخلے وكړو چې د قائداعظم پوهنتون ټولې مسئلې به زر تر زره حل كولې شي۔ ده ډاكټر نياز ته د مهمو هدفونو په سر كولو كښې د بشپړه مرستې باور وركړو۔ د قائداعظم پوهنتون وائس چانسلر په خپلو خبرو كښې ووئيل خپل منصب يو امانت ګڼم او خپلې ذمه وارۍ به ايماندارۍ سره ترسره كوم۔ ده ووئيل قائداعظم پوهنتون يو باوقاره پوهنتون دے او دا يو اوږد تاريخ لري۔ د ملاقات په پايه كښې ډاكټر نياز وفاقي وزير ته باور وركړو چې هغه به په جذبه خپلې ذمه وارۍ ترسره كوي
د زده كړو او پېشه ورې تربيې وفاقي وزير رانا تنوير سره د قائداعظم پوهنتون وائس چانسلر ملاقات
مضمون کا ماخذ : گرم گرم
متعلقہ مضامین
.jpg)
