راولپنڈی ۔15نومبر(اے پی پی) پاک فوج دے سربراہ جنرل سید عاصم منیر آکھیے پاکستان دنیا اتے خطے اچ امن اتے استحکام سانڳے آپݨا اہم کردار نبھیندا پئے ،دہشتگرد ی عالمی س??ح تے ساری انسانیت سانڳے ھک مشترکہ چیلنج اے ،اڄوکے سالاں اچ دنیا کوں پیش آندا ھک اہم چیلنج، غلط اتے گمراہ کُن معلومات دا تکھے کھنڈݨ اے ۔ او اسلام آباد اچ مارگلہ ڈائیلاگ 2024دی خصوصی تقریب توں خطاب کریندے پئے ہن ۔ خصوصی تقریب دا اہتمام اسلام آباد پالیسی ریسرچ انسٹیٹیوٹ دے پاسوں کیتا ڳئے ۔آرمی چیف “امن اتے استحکام اچ پاکستان دا کردار” دے موضوع تے ڳالھ مہاڑ کیتی تے علاقائی ہم آہنگی اتے بین الاقوامی امن کوں اڳوں ودھاوݨ اچ نمایاں کامیابیاں تے روشنی پاتی ۔ آئی ایس پی آر موجب آپݨے خطاب اچ آرمی چیف آکھیے اڄوکے سالاں اچ دنیا کوں کئی چیلنجز دا سامݨا اے جنھاں اچ غلط اتے گمراہ کُن معلومات دا تکھے کھنڈݨ ھک اہم چیلنج اے ۔دُنیا اچ کئی تبدیلیاں پاروں غیر ریاستی عناصر دا اثر و رسوخ ودھ ونجݨ وی ھک اہم چیلنج اے ۔عالمی س??ح تے معیشت ، افواج اتے ٹیکنالوجی اچ بے انتہا تبدیلیاں رونما تھیندیاں پئن۔ انہاں آکھیے پرتشدد غیر ریاستی عناصر اتے ریاستی س??پرستی اچ دہشت گردی عالمی س??ح تے ھک وݙا چیلنج اے، انھاں آکھیے ٹیکنالوجی جتھاں معلومات کھنڈاوݨ اچ اہم کردار نبھائے اتھاں گمراہ کن تے غلط معلومات کھنڈݨ ھک اہم چیلنج اے ۔جامع قوانین تے قواعد و ضوابط دے بغیر غلط اتے گمراہ کن معلومات تے نفرت انگیز بیانات سیاسی تے سماجی ڈھانچے کوں غیر مستحکم کریندے رہسن ۔ قوا عد وضوابط دے بغیر آزادی اظہار سارے معاشریں اچ اخلاقی قدراں دی تنزلی دا باعث بݨدی پئی اے ۔عالمی س??ح تے مذہبی، فرقہ وارانہ اتے نسلی بنیاداں تے عدم مساوات، عدم برداشت اتے ونڈ ودھدی پئی اے ۔ انھاں آکھیے ساݙے سانجھے مقاصد اچ موسمیاتی تبدیلی نال نبݨݨ ، دہشت گردی دے خلاف جنگ تے عالمی صحت دی فراہمی جیھے اہم چیلنجز ش??مل ہن۔پاکستان دنیا تے خطے اچ امن تے استحکام سانڳے آپݨا کردار نبھیندا پئے ۔دہشتگرد ی عالمی س??ح تے ساری انسانیت سانڳے ھک مشترکہ چیلنج اے ۔دہشتگردی دے خلاف جنگ اچ ساݙا عزم غیر متزلزل اے ۔ آرمی چیف جنرل سید عاصم منیرآکھیے ساݙی مغربی س??حداں کوں محفوظ بݨِاوݨ سانڳے ھک جامع بارڈر مینجمنٹ رجیم دا قیام عمل اچ گھن آیا ڳئے ۔فتنہ الخوارج دنیا دیاں ساریاں دہشتگرد تنظیماں اتے پراکسیز دی آماجگاہ بݨ چکی اے ۔ پاکستان ??فغ??ن عبوری حکومت توں توقع کریندے جو او دہشتگردی س??نڳے ??فغ??ن سرزمین دا استعمال نہ تھیوݨ ݙیسن تے ایں حوالے نال سخت اقدامات کریسن ۔ انہاں آکھیے ویژن عزمِ استحکام نیشنل ایکشن پلان دا ھک اہم جزو ہے جیں دا مقصد دہشتگردی اتے انتہا پسندی دا خاتمہ اہے۔ بھارت دے انتہا پسند انہ نظریے پاروں ٻاہرلے ملک خاص طور تے امریکہ ، برطانیہ اتے کینیڈا اچ وی اقلیتاں محفوظ کائنی ۔مقبوضہ جموں و کشمیر اچ بھارت دا ظلم و بربریت وی ہندوتوا نظریے اتے پالیسی دا تسلسل اے۔مقبوضہ جموں و کشمیر دا اق??ام ِ متحدہ دی قرارداداں تے کشمیری ع??ام دی اُمنگاں موجب حل ناگزیر اے ۔ انہاں آکھیے پاکستان ہمیشہ غزہ اتے لبنان اچ جنگ بندی دا مطالبہ کیتے ۔پاکستان غزہ اتے لبنان کوں انسانی ہمدردی دی بنیاداں تے ٻہوں واری امداد روانہ کیتی ، انھاں آکھیے عالمی امن دی خاطر 235،000پاکستانی اق??ام متحدہ دے امن مشن اچ آپݨا کردار نبھا چکئن ۔ اق??ام متحدہ امن مشنز اچ 181 پاکستانیاں عالمی امن دی خاطر اپݨی جاناں دا نذرانہ پیش کیتا ۔ انہاں آکھیے پاکستان 24کروڑ ع??ام دا ملک اے جیں دی لگ بھڳ 63فیصد آبادی 30سال توں گھٹ اے ۔پاکستان بے پناہ قدرتی وسائل توں مالا مال اے۔پاکستان خطے اتے عالمی امن سانڳے آپݨا مثبت کردار ہمیشہ ادا کریندا رہسی ۔ پاکستان دنیا اچ زراعت دی پیداوار دے حوالے نال ھک وݙا ملک بݨ تے ابھریے ۔پاکستان اچ نادر معدنیات دے وݙے ذخیرے موجود ہن ۔پاکستان فری لانسنگ دی مد اچ عالمی س??ح تے ھک اہم ملک اے ، انھاں آکھیے پاکستان انھاں سارے ذخیرے ،منفرد جغرافیائی مقام اتے سمندری بندرگاہ دی وجہ توں یورپ ، سنٹرل ایشیا تے مڈل ایسٹ اچ تجارت سانڳے ٻہوں اہمیت رکھیندے۔
پاکستان دنیا تے خطے اچ امن تےاستحکام سانڳے آپݨا کردار نبھیندا پئے ،غلط تے گمراہ کُن معلومات دا تکھے کھنڈݨ اہم چیلنج اے ، آرمی چیف
مضمون کا ماخذ : پھل اور سات
متعلقہ مضامین
