د وزیراعظم شهباز شریف وژن له مخې د سي پیك يو نوے دور پيل شوے، شینزین كښې بزنس ټو بزنس ملاقاتونه او كنفرنس به د پاكستان د معیشت په پرمختګ كښې كردار ترسره كړي۔عطاءالله تارړ


شینزین (چین) 05 جون (اے پي پي) د اطلاعات، خپرونو ، قامي ورثه او كلتور وفاقي وزیر عطاءالله تارړ وئيلي دي د وزیراعظم شهباز شریف وژن له مخې د سي پیك يو نوے دور پيل شوے، شینزین كښې بزنس ټو بزنس ملاقاتونه او كنفرنس به د پاكستان د معیشت په پرمختګ كښې كردار ترسره كړي۔ دا خبره ده د شورو په ورځ میډیا سره خپلو خبرو كښې وكړه۔ وفاقی وزیر ووئيل وزیراعظم شهباز شریف په سی پیك كښې يو نوے جدت راوستے۔ده ووئيل پاكستان او چین ترمينځه اړيكې يو نوي دور ته داخلې شوي كومه چې د پاكستان معیشت لپاره لويه كاميابي ده۔ده ووئيل شینزین كښې بزنس ټو بزنس كنفرنس كښې 500 څخه زياتو پاكستانو او د شینزین كاروباري شخصیاتو ګډون كړے، بزنس ټو بزنس ملاقاتونه او كنفرنس به د پاكستان معیشت په استحكام او پرمختګ كښې بشپړ كردار ترسره كړي۔ده ووئيل دلته د موبائل فون مینوفیكچرنګ پلانټ مالك سره هم ملاقات شوے،د هغه فیكټری په پاكستان كښې كار كوي،هغه به د پاكستان څخه ایكسپورټ كوي دغسې د الیكټرك ګاړو په اړه هم خبرې شوي۔ وفاقی وزیر ووئيل وزیراعظم شهباز شریف به بیجنګ كښې د چین قیادت سره هم ملاقات كوي، انشاءالله د دې اقدامات په سوب به پاكستان ترقی وكړي۔