کراچی ۔ 26 جون (اے پی پی) وفاقی وزیر اطلاعات و نشریات سینیٹر پرویز رشید آکھے جو امجد صابری امن تے محبت دا جو ڈیوا بالیا ہئی اوں کوں وسمنڑ کائناں ڈیسوں ۔ امجد صابری خیر ، پیار تے محبت دی آواز ہن ، انہاں آپنڑیں آواز نال دنیااچ امن دا سنیہا پجایا ۔ شر دیاں طاقتاں خیر دی قوت تے حملہ کیتے، عبد الستار ایدھی دی وجہ توں ساری دنیا اچ پاکستان کوں عزت تے وقار ملیاہے، انہاں پاکستان کوں انسانیت دوست ملک دے طور تے متعارف کروایا، اساں انہاں دی خدمت دا بدلہ نہیں چکا سگدے ۔ ہر اعزاز عبدالستار ایدھی دی شخیصت دے سامنڑیں چھوٹا ہے ۔انہاں اے گالھ اتوار کوں اتھاں وزیراعظم محمد نوازشریف دی ہدایت تے معروف سماجی کارکن عبدالستارایدھی دی عیادت اتے بعداچ شہید امجد صابری دے ٹبرنال فاتحہ خوانی دے بعد میڈیا نال گالھ مہاڑ کریندے ہوئیں آکھی۔ امجد صابری شہید دی رہائش گاہ دے باہر صحافیاں نال گالھ مہاڑ کریندے ہوئیں سینیٹر پرویز رشید آکھے جو او وزیر اعظم محمد نواز شریف ولوں امجد صابری دے ٹبر نال اظہار تعزیت کرنڑآئے ہن ۔ وفاقی وزیر آکھیا جو امجد صابری پیار تے محبت دی آواز ہن اتے انہاں دی شہادت شردیاں طاقتاں ولوں خیر دی قوت تے حملہ ہے ۔ انہاں آکھیا جو جتھاں ہر پاکستانی امجد صابری دی شہادت توں ڈکھ اچ ہے اے انہاں اے عزم وی کیتا ہویا ہے جو منفی طاقتاں دے عزائم کوں ناکام بنڑاونڑ کیتے اساں سارے آپ دا بھرپور کردار اداکریسوں۔ ایں موقعے تے پاکستان مسلم لیگ (ن) دے سینیٹر نہال ہاشمی وی انہاں دے نال موجود ہن ۔ ایں توں پہلے وفاقی وزیر اطلاعات و نشریات سینیٹر پرویز رشید وزیر مملکت تے بے نظیرانکم سپورٹ پروگرام دی چیئر پرسن ماروی میمن اتے پاکستان مسلم لیگ (ن) دے رہنماء سینیٹر نہال ہاشمی دے نال معروف سماجی کارکن عبد الستار ایدھی دی کھارادر اچ واقع رہائش گاہ تے گئے اتے انہاں دی عیادت کیتی ۔ ایں موقعے تے الیندے ہوئیں سینیٹر پرویز رشید آکھیا جو او تریہے وزیر اعظم محمد نواز شریف دی ہدایت تے عبد الستار ایدھی دی عیادت کیتے آئے ہن ۔ وفاقی وزیرآکھیا جو عبد الستار ایدھی آپنڑیں زندگی ڈکھی انسانیت دی خدمت کیتے وقف کیتی ہے اتے انہاں خدمت، سادگی اتے ایمانداری دی ایسی مثالیں قائم کیتی ہے جیندے نال ساری دنیا اچ پاکستان کوں عزت تے وقار ملیا ہے ، عبد الستار ایدھی دی خدمت پاکستان کوں ساری دنیا اچ ہک انسانیت دوست ملک دے طور تے متعارف کروایا ہے جیہرا جوہک بہوں وڈا اعزاز ہے ۔
امجد صابری امن تے محبت داجو ڈیوا بالیاہئی ایںکوں وسمنڑ کائناں ڈیسوں، عبد الستار ایدھی پاروں ساری دنیا اچ پاکستان کوں عزت اتے وقار ملیاہے، وفاقی وزیرسینیٹر پرویز رشید
مضمون کا ماخذ : کمپیوٹر لاٹری کی پیشن گوئی
متعلقہ مضامین
