اسلام آباد ۔ 21 نومبر (اے پی پی) راولپنڈی، ملتان ،کراچی حیدر آباد ،کوئٹہ اتے پشاور سمیت ملک دے سارے چھوٹے وڈے شہراں اچ شہدا کربلا چہلم عقیدت تے احترام نال منایا گیا ۔نجی ٹی وی چینل دے مطابق سنوار کوں ملک دے چھوٹے وڈے شہراں اچ جلوس کڈھیے گے ۔ایںموقع تے کئی شہراں اچ موبائل فون سروس معطل رہی اتے تعلیمی اداریں کوں ہک ڈینھ سانگے بند کر ڈتا گیا ،سیکورٹی دے سخت انتظامات دے تحت کئی شہراں اچ موٹر سائیکل دی ڈبل سوار ی تے پابندی لا ڈتی گی ۔لاہور اچ چہلم حضرت امام حسین اتے عرس داتا صاحب دیاں چھیکڑی رسماں پاروں سیکورٹی دے سخت انتظامات کریندے ہوئیں شہر اچ جلوس دے رستیں تے 6ہزار توںودھ پولیس اہلکار تعینات کرنڑ دے نا ل سی سی ٹی وی کیمریں نال چہلم دے جلوس دی مانیٹرنگ ،داتا دربار اتے کربلا گامے شاہ ولوں ونجنڑ آلے رستے کوں ٹریفک سانگے بند کر ڈتا گیا اتے بیریئر اتے خار دار تاراں لا ڈتیاں گئیاں اتے عذداراں سانگے گورنمنٹ سنٹرل ماڈل سکول اچ میڈیکل کیمپ قائم کیتا گیا ۔پشاور اچ نواسہ رسولۖ اتے شہدائے کربلا دے چہلم دے سلسلے اچ مجلس تے ماتمی جلوس برآمد تھیے ، امام بار گاہ علمدار اچ پشتو مجلس دا انعقاد کیتا گیااتے علم غازی عباس دا جلوس برآمد تھیا، امام بار گاہ اخوند آبادتوں ذوالجناح دا جلوس کڈھیا گیا جیرھا جو روایتی رستیں توں تھییندا ہویا واپس ایں امام بارگاہ تے مک گیا ۔ملتان اچ حضرت امام حسین رضی اللہ تعالی عنہ دا چہلم انتہائی مذہبی جوش تے جذبے نال منایا گیا ،ایںموقع تے سیکورٹی دے فول پروف انتظامات کیتے گے ہن ۔پورے ضلعے اچ چہلم دے حوالے نال 23جہیں تے مجلساں منعقد کیتیاں گیاں جیں اچوں 8کوں حساس قرار ڈتا گیا ،ملتان اچ پہلا مرکزی جلوس علمدار چوک توں بر آمد تھیا ،کوئٹہ اچ شہدا کربال دے چہلم دے موقع تے شہر اچ سیکورٹی دے سخت انتظامات کیتے گے ہن جلوس دے مقررہ رستیں تے رکاوٹاں لاتے بند کر ڈتا گیا ،شہر اچ شہدائے کربلا دے چہلم دی مناسبت نال سیکورٹی سانگے ترائے ہزار پنج سول اہلکار تعینات کیتے گے ہن ،جلوس دے مقررہ روٹ تے ساریں دکاناں تے سارے رستے بند رکھنڑ دی ہدایت کیتی گی اتے روٹ نال جڑیے رستیں کوں خار دار تاراں ،قناتاںلا تے ٹرک کھڑے کرتے بند کر ڈتا گیا ۔
پورے ملک اچ شہدا کربلا چہلم عقیدت تے احترام نال منایا گیا
مضمون کا ماخذ : apostas lotofácil
متعلقہ مضامین
