اسلام آباد ۔ 16 جنوری (اے پی پی) وزیر مملکت برائے اطلاعات ، نشریات و قومی ورثہ مریم اورنگزیب آکھے جو عمران خان ولا ولا عدالت دے باہر آتے آپنڑاں مقدمہ لڑ دے پئے ہن ، عدالت دے باہر مقدمہ لڑنڑآلیاں کوں مایوسی دے سوا کجھ کائناں ملسی ، عمران خان عدالت توں باہر آتے آکھیا جو اساں ویڈیو گیمز کھیڈے پئے ہاسے ، عمران خان گزریل ترائے سالیں توں ویڈیو گیمز ہی کھیڈدے پئے ہن اتے اگوں تے وی ویڈیوگیمز ہی کھیڈدے راہسن، وزیر اعظم کڈاہئیں کئی کوڑ کائنی الایاکیونجو او کوڑ الاونڑ دے عادی کائنی ، اے عادت کہیں بئے دی ہے ،جیکر عمران خان اے چاہندے ہن جو او بغیر کہیں ثبوت دے وزیر اعظم نواز شریف کوں انہاں دے عہدے توں برطرف کروا ڈیون تاں اے نہیں تھی سگدا، خواہشات دی بنیاد تے عدالت اچ مقدمے کائنی لڑے ویندے ، عمران خان 2018 ء توں نہیں جڈانجو ایں ویلھے توں وی مریم نواز توں ڈر دے ہن ، عمران خان اداریاں دی عزت تے احترام دا خیال رکھن، اج انہاں دا بیان جو ” ادھا سپریم کورٹ سُتا پیا ہئی ” توہین عدالت دے زمرے اچ آندے ، حقیقت اے ہے جو عمران خان آپ غفلت دی نیندر سُتے پئے ہن اتے قوم کوں گمراہ کریندے پئے ہن ، عمران خان دے جو منہ اچ آندے بول ڈیندے ہن ۔ سنوار کوں اتھاں سپریم کورٹ دے باہر میڈیا نال گالھ مہاڑ کریندے ہوئیں وزیر مملکت اطلاعات و نشریات آکھیا جو وزیر اعظم محمد نواز شریف پارلیمان اچ یا عوام نال خطاب دے دوران کڈاہیں کئی متضاد گالھ کائنی کیتی اتے نہ ہی کوڑ بولیاکیونجو ا وکوڑ الاونڑ دے عادی کائنی ۔ وزیر مملکت آکھے جو عمران خان گزریل کئی ڈینھ توں عدالت دے باہر آتے آپنڑاں مقدمہ لڑ دے پئے ہن ۔ او اج اے آکھدے پئے ہن جو عدالت اچ پانامہ پیپرز دے بارے گالھ کائنی تھیندی پئی ، نواز شریف دے بارے اچ گالھ کائنی تھیندی پئی ۔ مریم اورنگزیب آکھے جو وزیر اعظم محمد نواز شریف دے وکیل سپریم کورٹ اچ دلائل ڈیندے پئے ہن اتے کیونجو میاں محمد نواز شریف دا پانامہ کیس نال کئی تعلق کائنی ، ایں سانگے پانامہ دا ذکر نہیں تھیندیا پیا، ڈوجھے پاسے عدالت اچ اساڈے وکیل او فیصلہ پڑھ تے سنڑایا جیندا تعلق پی ٹی آئی دے رہنما عمران خان نال ہے ۔ اُنہاں کوں شرمندگی توں بچاونڑکیتے سارا مقدمہ کائنی پڑھیا گیا جڈانجو ایندی جو ساریاںتوںوڈی گالھ ہے او اے ہے جو ایں فیصلے دے جواب اچ عمران خان آکھدے ہن جو انہاں الیکشن توں پہلے جو وی آکھیا اتے کیتے ایندا او جواب نہیں ڈے سگدے ، اتے ایندا جواب نہیں منگیا ونج سگدا ۔ وزیرمملکت آکھے جو ایندے برعکس عمران خان ترائے واری منتخب تھیونڑآلے وزیراعظم دے والددا 1937 ء توں حساب منگدے پئے ہن اتے اساں اتے حساب ڈیندے پئے ہن ، آج پی ٹی آئی دے رہنماوا ں تسلیم کیتے جو او عدالت اچ وڈیو گیم کھیڈے پئے ہن ۔
وزیر مملکت اطلاعات،نشریات وقومی ورثہ مریم اورنگزیب دی میڈیا نال گالھ مہاڑ اتے بیا ن
مضمون کا ماخذ : números sorteados lotomania
متعلقہ مضامین
