باكو12 نومبر(اے پی پی)وزيراعظم شهباز شريف د آذربائيجان په پلازميه باكو كښې د كانفرنس آف پارټيز(كاپ-29)كلائميټ ايكشن سرمشريزې غونډې پرانستې په موقع نړيوالو لارښودو سره غېر رسمي ملاقاتونه كړي دي۔ د نهې په ورځ د وزيراعظم آفس پرېس ونګ لخوا د جاري شوي بيان له مخې د وزيراعظم د متحده عرب امارات صدر محمد بن زيد النهيان سره ملاقات شوې چې پكښې د پاكستان –متحده عرب امارات ترمينځه د موسمياتي بدلونونو په اړه د مرستې پشمول د شريكې خوښې په چارو د خيالاتو څرګندونه وشوه۔ د وزيراعظم د تركيې صدر رجب طيب اردوان او د تركيې وړومبنۍ مېرمن امينه اردوان سره هم ملاقات شوې چې پكښې د تركيې او پاكستان د ماحولياتي آلودګۍ او موسمياتي بدلونونو په نړيواله كچه رامخې ته كولو له د مرستې پشمول د شريكې خوښې په چارو خبرې وشوې۔ وزيراعظم په دې موقع د نړيوالو لارښودو سره غېر رسمي ملاقاتونه هم وكړل۔ وزيراعظم د برتانيې وزيراعظم سركيئر سټارمر سره ملاقات وكړو چې پكښې دواړو هېوادونو د پاكستان – برتانيې مرستې ته د ودې وركولو په چارو د خيالاتو څرګندونه وكړه۔ د وزيراعظم د ازبكستان صدر شوكت مرزيوف او تاجكستان صدر امام علي رحمن سره ملاقات كښې په منځني آسيائي هېوادوو او پاكستان كښې د ګلېشيئر او آبي وسائلو په تحفظ خبرو سره ره د پاكستان تاجكستان او ازبكستان سره مواصلاتي تړون ته په پراختيا وركولو خبرې وشوې۔ د نيپال صدر رام چند پاؤ ډيل او د بنګله دېش عبوري حكومت چيف ايډوائزر ډاكټر اېم يونس سره هم د وزيراعظم ملاقات وشو۔ په ملاقات كښې په سوئيلي آسيا كښې په زياتېدونكي درجه حرارت ٬ د سمندر پورته كېدونكې كچې په خطرو او د ځنګلونو په تحفظ خبرې اترې وشوې۔ دغسې د بنګله دېش او نيپال سره د پاكستان د دوه اړخيزه اړيكو ودې په اړه هم د خيالاتو څرګندونه وشوه۔ د وزيراعظم د قازقستان صدر قاسم جومارات توكايف سره ملاقات وشو چې پكښې د پاكستان قازقستان اړيكو ودې او سيمه ايز تړون ته په پراختيا كولو خبره وشوه۔ دې څخه وړاندې وزيراعظم شهباز شريف چه څه وخت په باكو٬ آذربائيجان كښې د كنفرنس آف پارټيز(كاپ-29)كلائمېټ اېكشن سرمشريزه غونډې پرانستې په دستوره كښې ګډون لپاره راورسېد نو د ملګرو ملتونو عمومي سېكتر انتونيو ګوتريش او د آذربائيجان صدر الهام عليوف د وزيراعظم هركلے وكړو۔ وزيراعظم د كاپ-29 كلائميټ اېكشن سرمشريزې غونډې په فېملي عكس كښې ګډون كولو سره سره د غونډې پرانستې دستوره كښې ګډون وكړو كومې ته چې د آذربائيجان صدر او د ملګرو ملتونو سېكرټري خطاب وكړو۔ وزيراعظم به باكو كښې د كاپ-29 كلائميټ اېكشن سرمشريزه غونډه كښې پاكستان ته د موسمياتي بدلون د لاسه په پېښو خطرو رڼا اچوي۔ وزيراعظم به داسې پرمختګ كوؤنكو هېوادونو ٬ په خاص توګه پاكستان كوم چې هر كال د موسمياتي بدلونو له امله قدرتي آفتونو سره مخ كيږي او ځاني او مالي زيان پورته كوي ٬ لپاره غږ پورته كوي۔ وزيراعظم به د كاپ-29 كلائميټ اېكشن سرمشريزه غونډه كښې د سېلاب د لاسه د ځپلېې شوو لكهونو په شمېر پاكستانيانو مقدمه مخ په وړاندې بوځي او نړۍ ته به باور وركولې شي چې پاكستان د كوم چې د كاربن ګېسونو اخراج كښې برخه د نشت برابر ده٬ سخت معاشي حالاتو سره سره د موسمياتي بدلون مضر اثرات سره مخ دے٬ وزيراعظم به نړيوالو لارښودو او په خاص توګه پرمختللي هېوادونو ته د دې موسمياتي بدلون په اړه د ذمه وارۍ قبلولو او د دې د چېنلنجونو په مخنيو كښې د پرمختګ كونكو هېوادونو د مرستې په كولو زور راوړي
د وزيراعظم شهباز شريف په باكو كښې د كاپ -29 كلائميټ ايكشن سرمشريزې غونډې پرانستې دستورې په موقع نړيوالو لارښودو سره غير رسمي ملاقاتونه
مضمون کا ماخذ : جیتنے والی لاٹری
متعلقہ مضامین
